Injured	Killed
0	1

Date: 28 May 2013
Source: Bombo Radyo

GENERAL SANTOS CITY – Nailhan na sa mga otoridad ang tulo ka suspek sa pagpatay sa usa ka pick-up nga nakaplagan tunga-tunga sa kasagingan sa Upper Baluan nitong lungsod.

 

Giila ang biktima nga si Judy Ann Tongal nga residente sa Surallah, South Cotabato.

 

Sumala pa ni P/Insp. Reynaldo Rojo sa Lagao-PNP nga aduna na silay sa ilhanan sa mga suspek.

 

Bisag adunay gipagawas nga cartographic sketch, mibalibad kini nga idetalye ang mga impormasyon aron dili makaapekto sa imbestigasyon.

 

Gibutyag niini nga ang mga nasampit ang pinakaulahing giubanan sa biktima una nakaplagan nga wala nay kinabuhi.

 

Usa niini ang adunay gibitbit nga screw.

 

Subay sa post mortem examination, gidunggab ang biktima gamit ang screw ug nakaangkon ug 12 ka samad dinunggaban.

 

Kahinumduman nga nailhan ang biktima human nagtagbo sa punerarya ang kalive-in ug ang usa ka lalaki nga nagpaila nga boyfriend niini.