Injured	Killed
3	0

Date: 31 March 2013
Source: Bombo Radyo

ZAMBOANGA CITY – Pinagtataga ng isang lalaki ang tatlong mga biktima habang nag-iinuman ang mga ito sa isang tindahan sa may Barangay Twagannorte sa bayan ng Labangan, lalawigan ng Zamboanga Sibugay.

Kinilala ng pulisya ang mga biktima na sina Virgilio Barcelona Sabate, 45, Efren Cavunilas Tngaro, 44, at si Vergie Sabate, 37, pawang mga residente ng nasabing lugar.

Base sa ulat ng Labangan municipal police station, masayang nag-iinuman ang tatlong biktima bandang alas-6:00 ng gabi nang bigla na lamang lumitaw ang suspek na si Richard Decale at pinagtataga sila sa hindi pa malamang dahilan.

Kasalukuyang ginagamot ngayon sa Pagadian City Hospital ang mga biktima habang pinaghahanap pa rin ng otoridad ang nakatakas na suspek. (MRDS)