Injured	Killed
0	3

Date: 17 May 2013
Source: Bombo Radyo

CAGAYAN DE ORO CITY – Tulo ka tawo ang giingong patay sa nahitabong engkuwentro tal isa duha ka magkalahing political supporters sa Barangay San Miguel, Talakag, Bukidnon karong udto.

 

Sa taho nga nadawat sa Bombo Radyo Cagayan de Oro, ang grupo sa usa ka barangay official ug laing opisyal sa lungsod ang nagkainitay nga misampot sa dugo-ong engkuwentro.

 

Sa pagkakaron, gibutyag ni 4th ID spokesman Maj Leo Bongosia nga padayon pa nilang gisuta ang maong taho sa lugar.

 

Dumduman nga maoy magkabanggang mga kandidato si Talakag incumbent Mayor Nestor Macapayag sa Bukidnon Paglaum Party batok kang Vice Mayor Renato Sulatan gikan sa partidong Aksyon Demokratiko.

 

Samtang init usab ang sangka sa pagka-bise mayor tali kang Vergito Factura nga alyado ni Macapayag batok Rosenio Sansandan nga kapartido usab ni Sulatan.

 

Hisayrang sa wala pa nahitabo ang piliay, usa ka political supporter usab ang gitigbas patay gumikan sa kainit sa bangi sa pulitika sa maong lugar.