Injured	Killed
0	3

Date: 31 March 2013
Source: Bombo Radyo

GENERAL SANTOS CITY Patay sa pagpamusil ang kanhi sundalo lakip ang pag-umangkon dihang gisulod sa mga sakop sa motor in tandeem ang panimalay sa mga biktima.

Giila ni Police Instr Rodel Javison ang biktima nga si Salvador Besta iyang uyu-an ug ang nagpangalan ug Eric Catajay 33 ulitawo nga taga Banga South Cotabato. Wala na madala sa tambalanan si Besta samtang sa Diagans hospital usab si Catajay apan didto na kini gibawi-ans a kinabuhi.

Nakita ang samad ni Besta sa kamut ug dughan samtang kang Catajay ang adunay upat ka samad sa ulo, li-ogtiyan ug kamut.

Nagdula matud pa ug baraha silang Besta ug Catajay kauban ang lain pang upat ka tawo dihang kalit miabut ang duha ka tawo nga nagbibit ug sako nga muhatag matud pa ug regalo kang Besta.

Apan kalit lang mipabuto sa carbine rifle ug caliber 45 ang duha punting nilang Besta ug Catajay, aging semana lang gilabay pa ug granada ang biktima apan wala mibuto.

Gilayon nga nagresponde ang mga opisyal sa Purok apan patay na angbiktima. Nagpadayon ang pagtigum ug impormasyon sa kapulisan kalabutan sa ulahing pagpamusil nga nahitabo sa area of responsibility sa Fatima police station.

Unang gipusil patay si Rene Coballes 27 nga taga San Isidro ning dakbayan human giilogan ug motor sa duha ka suspek.