Subay ha nahikay nga impormasyn han Bombo Radyo Tacloban tikang kan Police C/Insp. Federico Sanchez, hepe han Buraeun PNP, usa ha mga biktima an detachment commander nga hi Sgt. Renato Cabagso, ngan an usa naman in miyembro han Citizen Armed Force Geographical Unit (CAFGU) nga guinkilala nga hi Alexander Estrella.

 

Samtang, namatay guihapon an suspect nga hi Cesar Manlangan nga usa guihapon nga CAFGU.

 

Ha inisyal nga imbestigasyon, nahibaruan nga hubog daw an suspect han umabot ini ha ira detachment unit ngan tigda guinpanmumusil an duha nga biktima kaupod an usa pa nga igkasi CAFGU nga nasamaran guihapon ha mao nga insidente.

 

Waray naman kakokontrol han iba nira nga kaupod an pag-wala han suspect hinungdan agud pusilon na guihapon ini han CAFGU nga hi Dennis Cabidog.