Injured	Killed
3	0

Date: 28 April 2013
Source: Bombo Radyo

NAGA CITY- Lugadan an tulong katao sa probinisya nin Albay matapos saksakon sa laog kan saindang apartment kasubagong odto mantang naghugot an suspetsado na paryentes man kann mga biktima.

Binisto an mga biktimang sinda Herbert Calios asin mag-agom na Manuel asin Nelia Casio.

Basado sa imprormasyon nakua kan Bombo Radyo Naga, bigla na lang naglaog an suspetsado na si Ronaldo Marco Calios sa apartment kan mga biktima sa Barangay Bombon, Tabaco City dara an sarong patarom.

Didgi na pinagsaksaksak sa manlaen-laen na parte kan lawas an mga biktima asin kan makahagad nin tabang sa pirang kagtaraid, tulos sindang nadara sa ospital.

Matapos an insidente, nagpakagadan man an suspetsado na dinara pa kuta sa ospital alagad ipigdeklarang dead on arrival.

Napag-araman na kan nakalihis na Martes, dinara na sa ospital an suspetsado sa probar kaining pagpapakagadan.

Sa ngonian, padagos an imbestigasyon kan mga otoridad asin inaaram pa an motibo kan suspetsado.