Injured	Killed
0	0

Date: 10 July 2013
Source: Bombo Radyo

NAGA CITY – Kasong Frustrated Homicide an kinakahampang ngunyan kan sarong lalaki matapos na saksakon an tolong lalaking nag-iinuman sa Mauban, Quezon.

 

Binisto an suspetsado na si Jonas Sangcap Libre, 25 anyos asin residente kan Sitio Stella Mariz, Barangay Bagong Bayan sa nasambitang banwaan.

 

Sa nakuang impormasyon kan Bombo Radyo Naga, napag-araman na mantang nag-iinuman an mga biktimang sinda Anthony Cudilana Nipales, 21 anyos; Emilio Orejola Pansacola, 21, asin Wilbert King Encallado Diamante, 25, pararehong residente kan Barangay Daungan sa Mauban, bigla na sana suboot uminabot an suspetsado.

 

Hinamon suboot nin suntukan kan suspetsado an mga biktima.

 

Pinatulan man kan mga biktima an suspetsado asin pinagtarabangan ini.

 

Alagad dai nagpadaog si Libre asin kinua an nakatagong darang patarom asin pinagsasaksak an mga biktima dalan para magsapo an mga ini nin pirang lugad sa maniba-ibang parte kan saindang lawas.

 

Mientrastanto tulos man na nagresponde an Mauban PNP asin inarestar an nasambitang suspetsado.