Injured	Killed
0	3

Date: 05 May 2013
Source: Bombo Radyo

CAGAYAN DE ORO CITY-Tulo ka tawo ang gitoohang biktima sa summary killings ang nakit-an sa daplin sa dalan sa Macapagal Drive, Upper Carmen ning dakbayan kagahaning kadlawon.

 

Sa paghinabi sa Bombo Radyo Cagayan de Oro, gisaysay ni Dr. Christian Caballes kinsa medico legal sa Scene of the Crime Operatives (SOCO) nga mahimong biktima sa salvaging sa laing lugar ang nahisgutang kalalakihan ug gikalabay lamang sa maong bahin sa lungsod.

 

Ang maong mga biktima ang gilangkuban sa duha ka menor de edad ug pulos sila nagbaton sa mga samad sa ulo ug ubang bahin sa lawas nga hinungdan sa ilang kamatayon.

 

Narekober sa crime scene ang pipila ka empty shells sa .45 ug 9mm pistols,cable wires,straw nga mahimong gigamit sa mga wala mailang mga suspek aron patyon ang mga biktima.

 

Nagpabiling blangko pa usab ang kapolisan sa motibo ug grupo sa mga kriminal nga mihimo sa kremin.

 

Sa pagkakaron,gidala na sa punerarya ang mga patay’ng lawas sa mga biktima aron didto na posibleng kuhaon sa ilang mga kabanay.