Injured	Killed
0	0

Date: 05 February 2013
Source: Bombo Radyo

KORONADAL CITY-Naaresto sang Tacurong City PNP ang tatlo ka mga suspek sa carnapping kun sa diin ginluthang-patay pa ang biktima.

Sa interview sang Bombo Radyo Koronadal kay P/Supt Junie Buenacosa, hepe sang Tacurong City PNP, ginkilala sini ang mga suspek nga sanday Mo Dalingdigan Balicocus, 26-anyos; Dante Atam Pundo, 35-anyos nga residente sang Lamba, Banga, South Cotabato kag Morid Kadatuan, 34-anyos nga residente naman sang Sumbakil, Polomolok.

Sa imbestigasyon sang mga otoridad, gin-carnap suno pa sang tatlo ang isa ka XRM nga motor nga ginapanag-iyahan ni Aban Yamas nga residente sang Lake Sebu, South Cotabato.

Nagapamasahero suno si Yamas sa banwa sang T’boli sang ginpasakay sini ang suspek nga si Balicocus nga amo man ang nagluthang-patay sa biktima usar ang kalibre 45 nga armas luthang.

Gin-ako naman ni Balicucos nga siya ang nagluthang sa ulo sa biktima kag gin-agaw ang motorsiklo sini.

Plano suno pa sang tatlo nga ibaligya na ang nasambit nga motor apang pinaagi sa ila sini police asset, nadakpan ang mga ini sa banwa sang Tacurong.