Injured	Killed
3	0

Date: 15 August 2013
Source: Bombo Radyo

ILOILO CITY– Ginaimbestigaran na sang mga pulis ang tuyo nga pagkidnap sa tatlo ka bata sa Brgy. Switch, Tapaz, Capiz kaina sang aga.

 

Sa interview sang Bombo Radyo sa isa sa mga bata nga si Almira Joy Nañong, 8 ka tuig ang edad kag isa ka Grade 3 pupil sa amu nga lugar, pauli na sila sa ila balay pagkatapos sang klase sang may nagpundo nga puti nga van sa ila tupad.

Gintanyagan sila nga magsakay agud nga idul-ong sa ila balay apang sila ang nagbalibad gani siya ang ginbutong sang isa sa mga lalaki nga nagasakay sa van apang ginbuligan siya sang kaupod nga duha ka classmates gani nabuy-an siya sini.

Nagdalagan sila palayo sa salakyan apang may nag-abot naman nga isa ka motorsiklo nga ginapatihan kahimbon sang nagasakay sa van.
Maswerte naman nga may isa ka residente nga nakakita sa ila gani nagpalagyo ang van kag wala sila nakidnap.

Sa nabaton nga impormasyon sang Bombo Radyo, may duha man ka bata nga nadula sa kaingod nga barangay kag suno sa bata, may nakita siya nga isa ka bata nga lalaki kag babayi sa sulod sang van kag daw wala na sang pangalibutan.

Ang ginapatihan kidnapper ang nagasuksok sang bonnet kag Tagalog ang panghambal.