Injured	Killed
0	0

Date: 05 July 2013
Source: Bombo Radyo

LEGAZPI CITY – Nagpaparahay na ngonyan sa ospital an may sadiri kan sarung cellphone shop matapos na saksakon kan mga holdaper sa Ligao, Albay.

 

Binisto an biktima na si Ruden Alipa kan Barangay Bagumbayan, Ligao City.

 

Enot kaini sakay nin motorsklo kan magpanggap na mga customer an tulong suspek na binistong si Ariel Patingoy Llagasa, 21-anyos an tugang kaining 16-anyos asin amingo na nasa edad 17-anyos pa sana.

 

Makalihis na makapili nin duwang cellphone sa kantidad na P8,000, nagdeklarar na nin holdap an mga suspek alagad nanlaban man an biktima.

 

Digdi na naagaw an atensyon kan mga kataid na tindahan rason ngani na ini an tulos na makapag responde.

 

Arestado an tulong mga suspek na ngonyan an nasa kustodiya na kan mga otoridad mantang nakatalaan man na i-turn over sa CSWD an duwa pang nadakop na menor de edad.