Injured	Killed
1	0

Date: 31 July 2013
Source: Bombo Radyo

NAGA CITY – Nakakalibre pa hasta sa ngunyan an 14-anyos na binatilyo na nangmolestya sa sarong 3 anyos na aking babae sa Unisan Quezon.

 

Ini mantang ipigpepreparar pa an magkakanigong kasong kahahampangon kaini.

 

Sa intribista kan Bombo Radyo Naga ki PS/Insp. Julius C. Alvarado, chief of police kan Unisan-PNP, ipigsaysay kaini na nangyari suboot an insidente kaini sanang Hulyo 12 kan presenteng taon.

 

Alagad huri na suboot kan maaraman kan pamilya kan biktima an nangyari matapos na magsumbong an aki.

 

Napag-araman na magkapitbahay sana an biktima asin an suspetsado.

 

Katakod kaini, nagsayuma nang magtao pa si Alvarado nin kabilogang detalye kan mga pangyayari.

 

Basado naman ini sa pakiulay kan pamilya asin kapot naman kan Municipal Social Welfare and Development an kaso.

 

Sa ngunyan, nasa poder na kan saiyang mga magurang an aki na isasairarom sa counselling.