Base sa imbestigasyon sang mga pulis, gin-textan ni Reynaldo Nene, isa ka tricycle driver, 29 anyos, kag ex-boyfriend ni Parco, nga magkitaay sila malapit sa isa ka tindahan.

Sa pagkitaay sang duha kag sa tunga sang ila mainiton nga diskusyon, gilayon na lamang nga ginluthang sang suspek usar ang 22 kalibre nga rebolber si Parco, rason nga naigo ang biktima sa ulo, sa iya nga tudlo, kag wala nga batiis. Gilayon naman nga nagpalagyo ang suspek usar ang itom nga motorsiklo padulong sa wala mahibal-an nga destinasyon.

Dayon nga gindala naman si Parco sa South Cotabato Provincial Hospital kun sa diin stable naman ang kondisyon sang biktima.

Nahibaloan nga duha na ka bulan nga nagbulaganay ang duha kag luyag ni Reynaldo nga makipagbalikanay sa iya apang indi na luyag ni Jocefel nga makipagbalikanay pa kay Nene.

Nagpasaka naman sang kaso ang iloy ni Jocefel batok sa suspek bangod sa pagkaluthang sini sa iya nga bata.