Injured	Killed
0	0

Date: 31 July 2013
Source: Bombo Radyo

TACLOBAN CITY – Nakatalaan pasakaan hin kaso yana nga adlaw an duha nga mga suspek nga nakuhaan hin upat nga mga high powered fire arms ngan mga bala ha sakob han fortuner nga sarakyan nga may stolen plate ha may boy scout rotonda dinhi ha syudad han Tacloban.

 

Ha nakuha nga impormasyon han Bombo Radyo Tacloban tikang kan P/Supt. Nolasco Bathan, Regional Chief han HPG-8, maatubang ha kaso nga Illegal Possession of Firearms, Illegal Transfer of Plate Number ngan Theft an suspek nga hira Eric Cinsaya ngan Marcelo Elecho Jr., pareho mga empleyado han Eastern Samar Provincial Capitol ngan residente han San Policarpo han mao nga probinsya.

 

Dugan pa ni P/Supt. Bathan nga inkaso mapamatud-an daw nga guin-karnap an guin gamit nga sarakyan han mga suspek in papasakaan guihapon nira ini hin kaso nga carnapping.

 

Una hini, manunumduman nga umabot anay hin haros saka oras antis lmusad an mga suspek ha ira sarakyan nga may plate number nga TID 256 han dakpon an mga ini han HPG-8 ngan narekober tikang ha ira an upat nga hitaas nga kalibre hin armas kaupod na an duha nga baby armalite.

 

Samtang, kapot na yana han HPG an 14 ha 100 nga mga sarakyan nga aada ha listahan han mga carnapped vehicles nga nagsarang ha Eastern Visayas nga tiakang pa daw ha Luzon nga guinsusubaybayan yana han mao nga ahensya ngan padayon naman an ira guinbubuhat nga perasyon agud madakop an guinsisiring dako nga pagkatawo nga nagpapaluyo hini ngan marekober an pira pa nga mga sasakyan.