Injured	Killed
2	0

Date: 11 June 2013
Source: Bombo Radyo

ZAMBOANGA CITY- Dalawang lalaki ang nasa kritkal ang kondisyon ngayon makaraang barilin sa loob ng isang repair shop sa may Barangay Sirawai Proper, Sirawai, Zamboanga del Norte.

 

Nakilala ang mga biktima na sina Allan Dacula Dulla, 34, at si Jonh Carlo Cariño Andulong, 29, kapwa mga residenteng ng naturang lugar.

 

Sa report ng Sirawai municipal police station, nagpapaayos ng kanilang motosiklo ang dalawang biktima sa repair shop na pag-mamay-aring isang Hadaffy Kadil nang biglang pumasok ang dalawang armadong lalaki at pinagbabaril ang mga biktima.

 

Isinugod sa Sirawai Rural Health Unit ang mga biktima at dahil sa kritikal na kondisyon ng mga ito ay inilipat sila sa Zamboanga City Medical Center.

 

Hindi na naabutan ng mga rumispondeng pulis ang mga suspek.

 

Narekober ng mga otoridad ang ilang basyo ng bala ng caliber .45 pistol sa lugar ng insidente. (MRDS)