Injured	Killed
2	0

Date: 23 February 2013
Source: Bombo radyo feb 23, 2013

NAGA CITY – Nagpapagaling pa ang isang seaman at isang beautician sa Camarines Norte matapos barilin ng nag-amok na lalaking naghahanap ng kanyang live in partner.

Nag-iinuman ang mga biktimang sina Edsel Yater, 42, seaman at Jesus Amar, 45, beautician, kapwa residente ng Barangay South Poblacion, Jose Panganiban sa bahay ng huli nang bigla na lamang pasukin ng suspek na si Alfredo “Dick” Dequilla.

Hinahanap umano ng suspek ang isang “Boninay” Postrado subalit nang walang maituro ang dalawa ay agad na inilabas ang baril at pinaputukan ang mga ito.

Tinamaan sa mata si Yater habang nakipag-agawan ng baril si Amar dahilan upang aksidente pumutok muli ang baril sa kanyang likod.

Agad tumakas ang suspek sa hindi malamang direksyon bitbit ang ginamit na baril.

Nadala naman sa Jose Panganiban Primary Hospital ang dalawa para sa medikal na atensyon.

Sa follow up investigation, nabatid na hinahanap ni Dequilla si Postrado matapos magkaroon ng pagtatalo.

Inilunsad na ang hot pursuit operation laban kay Dequilla para mapanagot sa krimen.