Injured	Killed
0	2

Date: 22 January 2013
Source: http://www.sunstar.com.ph/superbalita-davao/balita/2013/01/22/2-sibilyan-napatay-sa-engkuwentro-264171

TACURONG CITY – Duha ka sibilyan ang naangol sa panag-engkwentro sa magkaaway nga pamilya alas 2:40 sa hapon niadtong Lunes didto sa probinsiya sa Sultan Kudarat.

Giila ang mga biktima nga mao sila Abdul Rasid Bamal ug Nasrullah Mauba, mga molupyo sa Barangay Pinguiaman, Lambayong.

Gibutyag ni Sultan Kudarat Provincial Police Office Director Sr. Supt. Rolen Balquin nga nagka-engkwentro ang grupo nila Kumander Bansil sa 106th Base Command ug Kumander Bausad sa 105th Base Command sa Moro Islamic Liberation Front (MILF) sa utlanan nga parte sa lambayong ug SK Pindatun, Maguindanao.

Gumikan sa kalit nga hitabo napagan ang duha ka sibilyan nga naigo sa mga saag nga bala ug ubay-ubay sab ang namakwet sa kahadlok nga maipit sa kagubot.

Bisan ang mga lokal nga opisyal ug mga muslim elders napakyas nga husayon ang duha ka pundok aron resulbahon
ang ilang away sa malinawon nga pamaagi.

Mikatag na sa ubang dapit ang katag-katag nga panag-engkwentro nila Bansil ug Bausad diin dili pa matino
kon pila ang napatay ug naangol sa insidente.

Sa kasamtangan, dunay grupo na sa MILF ang gipadala sa Barangay Pinguiaman, Lambayong nga maoy mohimo og negosasyon sa personal nga away sa nagkabangi nga pamilya gumikan sa yuta nga ilang gitikad. (Edgardo Fuerzas)