| Injured | Killed |
|---|---|
| 0 | 2 |
Date: 08 August 2013
Source: Bombo Radyo
DAGUPAN CITY – Nakita sa gilid ng kalsada sa Barangay Carayungan ang dalawang bangkay ng lalaki na hinihinalang biktima ng summary execution sa bayan ng Umingan sa lalawigan ng Pangasinan.
Bigo pa ring malaman ng mga otoridad ang pagkakakilanlan ng mga biktima na nabalot ng packaging tape ang kanilang mga ulo na tadtad ng tama ng bala mula sa hindi pa matukoy na kalibre ng baril.
Nakatali din ng alambre ang kanilang mga kamay at paa.
Tinatayang nasa edad 35 hanggang 40-anyos ang dalawang biktima na kapwa nakasuot ng t-shirt at maong na pantalon.
Sa ngayon ay nakalagak sa isang punerarya ang katawan ng mga biktima.