Injured	Killed
2	0

Date: 31 January 2013
Source: Bombo Radyo

KORONADAL CITY – Duha ang pilason sa nagluntad nga paglupok sang fragmentation grenade sa sulod sang residential compound sang isa ka manunudlo sa Maguindanao nga ginkilala kay Delia Daniel, district supervisor sa banwa sang Datu Montawal sang nasambit nga probinsya.

Base sa report, yara suno pa sa isa ka hulot si Daniel kag maswerte nga wala man lamang sang ano nga pilas ang nasambit nga manunudlo sang naglupok ang granada, apang pilason naman ang duha sini ka staff nga lunsay nakaangkon sang minor injuries.

Gilayon naman nga gindala sa malapit nga balay- bululngan ang nasambit nga biktima para sa gilayon nga pagbulong.

Sa inisyal nga inbestigasyon sang kapulisan, posible nga ang nasambit nga pag-atake sa nasambit nga manunudlo ang may kaangtanan sa iya sini trabaho sang nakaligad nga election.

Nahibaluan nga madugay naman ini nga nagabaton sang death threat humalin sang nagtrabaho ini bilang myembro sang Board of Election Teller (BET) sang 2007 kag 2010 elections sa Datu Montawal.