Injured	Killed
0	0

Date: 01 June 2013
Source: Bombo Radyo

LEGAZPI CITY – Matrayumpo an naging buy bust operation kan pinagsanib pwersa kan Legazpi City Police Station kaiba an Philippine Drug Enforcement Agency sa may porsyon kan Purok 2 Barangay Bay-bay Legazpi City kan nakaaging Mayo 29, 2013.

 

Sa impormasyon na ipinaabot sa Bombo Radyo Legazpi, pasado alas 5 kan nakalihis na miyerkules nin hapon kan sakyadahon kan pinagsarong pwersa kan LCPS sa pangengenot ni PINSP JOVEN B MORIONES asin PDEA, Albay Provincial Office Agent Operative 1 Jonathan Revilla an haloy naman na pinagmamatyagang mga \drug user sa nasabing lugar.

 

Nadakop sina Jocelyn Bitatra y Mangilit, 40 kan P-2 Brgy. 31 Baybay, Legazpi City kaiba si John Mark Loresto y Esquivel, 29 kan Brgy. 1 Em’s Bo., Legazpi City.

 

Nakumpiskar sa sainda an sarong transparent plastic sachet na may laog na mga crystalline substance na pinagtutubudang shabu , P1,300.oo na marked money , 6 na pakete kan disposable lighters sarong pakete kan sigarilyo na may 13 pidaso kan aluminum foil asin sarong kulay brown na leather pouch bag na may laog na kutsilyo.

 

Sa ngunyan an nasa kustodiya na kan PDEA an mga nadakop na na suspek na nakatalaan na sanagtan nin kasong pagbalgar sa RA 9165 o an Dangerous Drug Act.