Naila ang mga namatay nga sila si Roldan Opema Jr., 25-anyos, ulitawo nga residente sa maong lungsod ug Doniel Salla, 30-anyos nga taga San Martin, Villanueva. 

 

Dead on the spot si Salla tungod sa samad pinusilan nga iyang naangkon sa likod samtang nadala pa sa balay tambalanan si Opema, apan wala na maluwas sa mga doktor ang iyang kinabuhi tungod sa samad sa iyang li-og ug abaga. 

 

Manihapon unta ang mga biktima sa merkado sa Jasaan sa dihang gipusil sila sa duha ka suspek nga sakay sa motorsiklo. 

 

Sa gihimong follow-up operations sa kapolisan, ilang nadakpan ang mga suspek nga sila si Wilborn Cabil, 26; ulitawo nga taga Zone 2, Gusa ug Alex Redublado, 25; ulitawo nga taga Ilaya, Carmen ning syudad. 

 

Matud ni PO2 Christopher Tulusa sa Jasaan Police Station nga gisikop ang mga suspek subay sa description nga gihatag sa mga testigo sa maong kremin. 

 

Nakuha gikan sa posisyon sa mga suspek ang motorsiklo nga giingong ilang gigamit sa pag-ikyas, apan wala armas nga nakuha gikan sa ilang posisyon. 

 

Gitakdang ipaubos sa parrafin test ang mga suspek sa pagpamusil-patay sa duha ka tawo sa lalawigan. 

 

Matud ni Tulasa, nga pinaagi sa parrafin test ilang masuta kon nakapabuto sa armas ang maong mga suspek. 

 

Miingon si PO2 Tulusa nga blangko pa sila karon kon unsay motibo sa maong pagpamusil kay nagpadayon pa ang ilang imbestigasyon. 

 

Hugot matud pang gipanghimakak sa mga dinakpan nga sila ang responsable sa pagpusil sa maong mga biktima.