Injured	Killed
0	2

Date: 03 April 2013
Source: Bombo Radyo

ILOILO CITY– Patay ang isa ka sibilyan kag barangay tanod sa natabu nga luthanganay sa Brgy. San Dionisio, San Rafael, Iloilo samtang nagapatigayon sang roving patrol ang mga barangay tanod sa nasambit nga lugar.

Sa interview sang Bombo Radyo kay Police C/Insp. Wilfredo Rios, hepe sang San Rafael Municipal Police Station, ginpadulog sang barangay tanod nga si Rex Ajico ang motorsiklo nga ginamaneho sang anay sarhento sang Philippine Army nga si Hernanie Pulmones, 45 anyos sang Del Pilar, Barotac Viejo apang wala ini nagdulog rason nga ila ginpalukpan.

Naigu sang bala ang angkas sang anay soldado nga ginkilala kay Gilbert Hitalia nga ginbawian sang kabuhi rason nga nagbalos man ang anay soldado kag ginluthang ang tanod nga si Ajico nga ginbawian man sang kabuhi.

Prisu na subong sa San Rafael Municipal Police Station ang anay soldado.