Injured	Killed
0	2

Date: 05 February 2013
Source: Bombo Radyo

LOILO CITY – Duha ang patay sa magkatuhay nga insidente sang pagpangluthang sa banwa sang Valderrama, Antique.

Sa interview sang Bombo Radyo kay Police Insp. Glen Haromay sang Valderrama PNP, ginluthang-patay sa Barangay Tacas sa nasambit nga banwa ang 25 anyos nga biktima nga ginkilala kay Joven Eder.

Sa imbestigasyon sang mga pulis, nagpadulong ang biktima sa balay sang iya magulang nga si Leonardo Eder Jr. kag nag-inum-inum.

Sang may nagkulas sa gwa sang balay, naggwa ini kag gin-usisa kag diri siya kag ginluthang.

Pito ka balinis halin sa 12 gauge shot gun ang nag-igu sa lawas sang biktima.

Wala pa matumod sang mga pulis ang suspek.

Antes sini, isa man ang patay matapos matiruhan sa Barangay Cansilayan, Valderrama, Antique.

Ang biktima ginkilala nga si Warlito Francisco y Canja.

Sunu sa pulis, antes ginluthang ang biktima sang wala pa matumod nga suspek, ini ang nangluthang man kag ginapatihan nga ini ang ginbalusan.

Bangud sa asud-asod nga insidente sang pagpangluthang, gin-apela sang pulis sa mga pumuluyo sa banwa nga indi pag-ibutang sa kamot ang hustisya.