Injured	Killed
0	2

Date: 15 May 2013
Source: Bombo Radyo

TACLOBAN CITY – Sunod-sunod nga kaso hin shooting incident an nahipatik ha probinsiya han Northern Samar pira kaadlaw ugsa an piniliay.

 

Ha nahikay nga impormasyon han Bombo Radyo Tacloban, usa nga shoot out an natabo ha Brgy. Libho, Catarman, Northern Samar kun diin usa nga lalaki an naawatan hin kinabuhi nga guinkilala kan Arthur Gallano, residente han mao nga lugar han pag panmumusilon ini hin lima nga mga kalalakin-an.

 

Nabaruan naman nga nakasakay ha motorsiklo hi Gallano han tigda ini nga guinpauranan hin bala han mga supek nga sakay hin itom nga van ngan nadara han mga ini an cash han biktima nga nagkakantidad hin P10,000.00 ngan dayon nga kumalagiw.

 

Hi Gallano in kilala nga lider hin usa nga mayoralty candidate ha mao nga lugar kun diin guintutuohan nga ighahatag na unta hini an mao nga kwarta han pagpupusilon ini han mga suspek.

 

Samtang, ha bungto han San Roque nhan mao nga probinsiya, padayon yana nga guin-iimbestigaran han mga kapulisan an natabo nga pagpatay ha usa nga guintutuohan nga lider guihapon hin usa nga mayoralty candidate.

 

An biktima in guinkilala nga hi Ernesto Caparal, alyas Estong, kun diin nakasakay ini ha usa nga motorsiklo han pag panmumusilon han waray makilal-i nga grupo han mga kalalakin-an ngan nadara an dara-dara hini nga kwarta.

 

Ha pagkayana in guinkikitaan pa han mga otoridad kun may kalabutan ha pulitika an nahipatik nga mga panmusil.