Injured	Killed
3	2

Date: 21 June 2013
Source: Bombo Radyo

KORONADAL CITY – Patay ang isa ka miyembro sang Barangay Peacekeeping Action Team kag isa ka miyembro sang Moro Islamic Liberation Front ukon MILF sa nagluntad nga engwentro sa boundary sang Barangay Maybula sa North Cotabato kag New Bunawan Columbio Sultan Kudarat.

 

Ginkilala ang mga biktima nga si sanday Dondon Palomo, miyembro sang Barangay Peacekeepintg Team ukon BPATs samtang ginakilala pa ang miyembro sang moro rebel nga napatay.

 

Magluwas sini, naglab-ot man sa 160 ka pamilya ang nagbalakwit gikan sa nasambit nga mga barangay bangud sa kahadlok nga maulamid sa amo nga engwentro.

 

Ginpahayag ni Police S/Insp. Ronnie Cordero sang Tulunan-PNP nga magluwas sa duha ang patay, pilason man ang tatlo ka iban pa nga miyembro sang MILF sang gintilawan sang mga ini nga atakehun ang detachment sang 57th Infatry Battalion sa boundary.

 

Sa subong, nagapadayon pa ang manhunt operation sang militar batok sa mga naka-engwentro nga MILF members.