Injured	Killed
2	2

Date: 25 May 2013
Source: Bombo Radyo

KORONADAL CITY – Dead on the spot ang isa ka negosyante kag live in partner sini matapos nga ginpaulanan sang bala sang mga armado nga lalaki sa atubangan sang ila nga puluy-an sa Apo Sandawa Homes Phase 4, Kidapawan City.

 

Sa interbyu sang Bombo Radyo Koronadal kay PO2 Conrado Abalos Jr sang Kidapawan City PNP, ginpahayag sini nga bag-o lamang nag-abot ang mga biktima nga sanday Kenneth Aquino Giloriza kag Gina Untalan Bayhon sa ila nga puluy-an kag sang pasulod na kuntani sa gate ang ila ginasakyan, hinali na lamang nga may nagpaulan sang lupok.

 

Pilason naman sa insidente ang mga helper sang negosyante nga sanday Ivy Sidayon Penalosa kag Faith Penaflorida nga nagapabilin subong sa balay-bululngan.

 

Suno kay PO2 Abalos, nagapadayon pa subong ang inbestigasyon sang mga otoridad sa hitabu kag ginahibalo man ang motibo sang krimen subong man ang mga suspek.