| Injured | Killed |
|---|---|
| 0 | 2 |
Date: 19 May 2013
Source: Bombo Radyo
BUTUAN CITY – Duha ka mga rebeldeng sakop sa Front Commiteee-16 sa North Eastern Mindanao Regional Committee sa New People’s Army kon NPA ang patay sa 15-minutos nga engkwentro tali sa composite team sa mga sundalong sakop sa 402nd Brigade Philippine Army nga naglusad og combat operation sa Brgy. Cabugo, Claver, Surigao del Norte.
Sigon ni Major Leo Bongasia – tigpamaba sa 4th Infantry ‘Diamond’ Division, Philippine Army, gawas sa napalgan nilang mga biktima, ila usab nga narekober ang dala sa mga niining usa ka M16 armalite rifle og usa ka AK-47 rifle.
Giklaro ni Major Bongasia nga ang nahitabo kagahapon sa ala-1:30 sa hapon, apa-sumpay sa unang engkwentro nga natigayon ning mi-aging adlaw sa Brgy. Sapa sa susamang lungsod kansa mikalas og usa ka sundalo.
Nasayrang human sa engkwentro, usa ka rebelde ang patay on-the-spot samtang laing usa ang samaran hinungdannga gidapatan gilayon kini og first aid samtang gidala sa ospital apan wala na kini maka-abot pang buhi.
Padayon karon ang ilang pursuit og clearing operations batuk sa mikagiw nga mga rebelde.