Injured	Killed
4	0

Date: 30 January 2013
Source: Bombo Radyo

LEGAZPI CITY – Nagpapadagos ngonyan an hot pursuit operation kan mga militar sa bulod na porsyon kan Gubat Sorsogon kasunod kan nangyaring sagupaan kasubago kan tropa kan 31st Infantry Battalion Philippine Army kontra sa mga pinagsusuponiran na mga New People’s Army (NPA).

Sa impormasyon na ipinaabot ni Major Angelo Guzman, tagapagtaram kan 9th Infantry Division Philippine Army, kinumpirmar kaini an pagkakalugad kan duwa sa saindang mga miyembro mantang duwa man an nairehistrong casualty sa lado kan mga NPA sa barangay Carriedo nasabing banwaan.

Napag-araman na nagpapatrolya an tropa kan gobyerno sa nasabing lugar kan pauranan ini nin bala.

Tulos man na nakabalos nin putok an mga militar na ikinagadan man kan duwang miyembro kan mga rebelde.

Sa ngonyan an pigtatawan pa nin asistencia medical an duwang suldados sa Sorsogon Doctor’s Hospital mantang kapot pa kan mga militar an mga lawas kan kalaban para sa pagkakabistuhan kan mga ini.