Injured	Killed
0	0

Date: 07 February 2013
Source: Bombo Radyo

TACLOBAN CITY – Patay an duha ngan samaran naman an 3 nga mga kasundalohan ngan usa nga sibilyan ha natabo nga pang-harass han mga elemento han New People’s Army (NPA) ha Albuera ngan Jaro, Leyte.

Ha impormasyon nga nakuha han Bombo Radyo Tacloban, nahibaruan nga 10 nga mga miyembro han NPA an sumulong ha basi han Alpha Company han 78th Infantry Battalion ha Brgy. Antipolo, Albuera kon diin, nasamaran hi Edgar Borinaga, residente han mao nga barangay.

Labot la hini, panibag-o nga 10 nga mga NPA guihapon an umatake ha tropa han mga militar han Bayanihan Team han 19th Infantry Battalion samtang nagdudumara han iya peace and development activities ha Brgy. Rubas, Jaro nga nagresulta naman ha pagkamatay han duha nga kasundaluhan ngan pagkasamad han tulo nga iba pa.

Samtang, guinpili naman han mga kasundaluhan nga diri na anay ipagawas an mga ngaran han mga ini tungod nga waray pa ini maipasabot han ira mga pamilya.

Guindara naman an mga samaran nga civilian ha Brgy. Antipolo, Albuera ha OSPA Hospital ha Ormoc City agud matambal an naangkon nga samad.

Una hini, han nakalabay nga November 30, 2012 usa nga sundalo ngan duha nga iba pa an samaran han tambangan an 78th Infantry Battalion han guinbabana-bana aada ha 10 nga mga NPA ha Sitio Calingatnan, Brgy. San Pedro, Albuera, Leyte.