Injured	Killed
0	2

Date: 28 February 2013
Source: Bombo Radyo

ZAMBOANGA CITY – Patay ang dalawang magsasaka matapos tagain ng kanilang kapwa magsasaka dahil sa matinding away sa pag-aagawan ng lupa sa may Barangay Sicade sa bayan ng Kumalarang, Zamboanga del Sur.

Kiniklala ng pulisya ang dalawang biktima na sina Ruben Gontinas at si Edgardo Monicit, residente ng nasabing lugar.

Habang ang dalawang suspek ay nakilalang sina Julito Palgan at si Marciano Manlangit.

Batay sa ulat mula sa Kumalarang Municipal Police Station, nagkaroon ng matinding bangayan sa pagitan ng mga biktima at ang dalawang suspek na nauwi sa patayan.

Napag-alaman ng mga otoridad na matagal na ring magkaaway ang pamilya ng mga biktima at ng mga suspek dahil sa pag-aagawan ng ilang ektaryang lupa sa lugar.

Boluntaryo namang sumuko sa mga rumespondeng pulis ang dalawang suspek at ngayon ay pansamantalang nakakulong at isinailalim na rin sa inquest proceeding sa kasong pagpatay.

– See more at: http://bomboradyo.com/news/latest-news/155394-2-magsasaka-patay-sa-taga-dahil-sa-away-sa-lupa-sa-zambo#sthash.ctDIRLdb.dpuf