Injured	Killed
1	1

Date: 17 April 2013
Source: Bombo Radyo

ZAMBOANGA CITY- Kaagad binawian ng buhay ang isang magsasaka habang kritikal naman ang isa pa matapos barilin ng hindi nakilalang salarin sa may Barangay Banuangan, Godod, Zamboanga del Norte.

Kinilala ng Godod municipal police station ang namatay na si Jun Baldicasa habang nasa kritikal na kondisyon naman ngayon sa isang ospital ang kaanak nitong si Bobong Baldecasa, kapwa mga residente ng nasabing lugar.

Lumalabas sa imbestigasyon ng pulisya na naglalakad ang dalawang biktima papunta sa kanilang sakahan pasado ala-1:00 ng hapon kahapon nang harangin at barilin ng mga suspek gamit ang M16 armalite rifle at caliber .45 pistol sa hindi pa malamang dahilan.

Nakuha ng mga rumispondeng pulis sa lugar ng insidente ang 15 basyo ng M16 armalite rifle at caliber .45 pistol.

Patuloy pa ring inimbestigahan ngayon ng mga otoridad ang nasabing insidente para matukoy ang pagkakakilanlan ng mga suspek. (MRDS)