Injured	Killed
0	2

Date: 28 May 2013
Source: Bombo Radyo

BUTUAN CITY – Padayon ang gihimong imbestigasyon sa kapulisan sa lungsod sa San Luis, lalawigan sa Agusan del Sur aron ma-ila og masikop ang mga responsableng mipusil-patay sa duha ka mga mag-uuma sa Purok-1, Barangay Sta. Ines, sakop sa maong lungsod ingon man ang pagsuta sa motibo niini.

 

Naila ang mga biktimang sila Angelito Logronio, 43-anyos og Florentino Adahan, 44-anyos, parehong residente sa Barangay Doña Flavia sa nasangpit nga munisipyo.

 

Migawas sa imbestigasyon nga pa-uli na unta ang mga biktimang gikan pa sa ilang basakan sa Barangay Dimasalang sa susamang lungsod ning mi-aging alas-4:50 sa hapon dihang kalit silang gibanhigan sa duha ka wala ma-ilang responsableng sakay sa motorsiklo.

 

Si Logronio naka-angkon og samad-pinusilan sa likod nga bahin sa iyang ulo og ubos sa ilok samtang si Adahan usab, na-igo sa iyang tuong dughan.

 

Dali gilayon silang gidala sa Rural Health Unit sa San Luis apan giproklamang dead on arrival sa attending physician.