| Injured | Killed |
|---|---|
| 2 | 0 |
Date: 25 May 2013
Source: Bombo Radyo
NAGA CITY – Nagpaparahay ngonian sa ospital an duwang lalaking pinagtataga kan sarong dae nabistong suspetsado sa Lopez, Quezon.
An mga biktima an binistong sinda Edwin Alvarez Delos Santos asin Alexander Delos Santos Dela Torre parehas na residente kan Brgy. Banabahin.
Basado sa impormasyon, nag-iinuman an mga biktima sa Barangay Hall kan nasabing barangay mantang nasa Barangay Patronal Fiesta Dance Party kan biglang mag-abot an suspetsado.
May dara suboot ining sundang asin balisong asin inatakeng bigla an duwa.
Nagsapo nin duwang tama nin sundang sa payo si Delos Santos mantang nagsapo man kan saksak sa saiyang hitang si Dela Torre.
Naidalagan tulos ospital an mga biktima mantang marikas na nagdulag an suspetsado na pinaghahanap na ngonian.