| Injured | Killed |
|---|---|
| 2 | 0 |
Date: 31 July 2013
Source: Bombo Radyo
NAGA CITY – Hararumang imbestigasyon an ginigibo ngonian kan otoridad sa nangyaring pambabadil sa duwang lalaki sa Sariaya, Quezon.
Binisto ini na sinda Romualdo Arvi Salobante Vegamora III 22, sarong helper asin Menandro Claveria Rosales 36, asin vegetable dealer.
Basado sa impormasyon, lunad kan motorsiklo an mga biktima asin binabagtas an Barangay Guisguis kan biglang ulangon kan riding-in-trio.
May dara suboot na patarom an mga suspetsado kaya tulos na pinaandar ni Vegamora III an saindang lulunadan sa ibong na linya.
Binadil kan mga suspetsado an duwa na parehas na nagsapo nin tama nin bala sa saindang habaga.
Sa ibong kan sinapong lugad nakapasiring pa nin ospital an mga biktima na nagpaparahay na sa ngonian.
An Greg Hospital na man an nagpaabot nin impormasyon sa pulisya katakod sa biktima.
Sa inisyal na imbestigasyon, posible suboot panghoholdap an motibo sa krimen huli sa sarong vegetable dealer si Rosales na hinuna kan mga suspetsado na may dara ining dakulang kantedad nin kwarta.