LEGAZPI CITY – Dead on the spot ang dalawang lalaki na sakay ng kanilang motorsiklo matapos na pagbabarilin ng mga hindi pa nakikilang suspek sa may bahagi ng Sitio Pinagbadilan, Barangay Buga, sa Bayan ng Libon sa Albay.

 

Sa impormasyon na ipinaabot sa Bombo Radyo Legazpi, bandang alas-4:00 kahapon ay bigla na lang na pinaulanan ng bala ng baril ang mga biktima na kinilalang sina Jerry Obedece at Generoso Seggara na residente ng Zone 4 Barangay San Miguel ng nasabing bayan.

 

Sa inisyal na imbestigasyon ng Libon Municipal Police Station, galing sa isang paliguan sa Brgy. Molosbolos parehas na bayan ang dalawang lalaki nang bigla na lang sila na hinarang ng hindi nakilalang lalaki, saka pinagbabaril ng maraming beses ng hindi pa malamang kalibre ng baril sa iba’t ibang parte ng kanilang katawan.

 

Sa ngayon ay nagpapatuloy pa ang imbestigasyon ng mga otoridad para malaman kung sino ang nasa likod ng nasabing krimen.