Injured	Killed
2	0

Date: 08 May 2013
Source: Bombo Radyo

NAGA CITY – Kritikal ang dalawang katao sa Camarines Norte matapos ang insidente ng pananaga sa bayan ng Sta. Elena.

 

Kinilala ang mga nasugatang sina Rex Balgos at Iglecerio Villamarzo, parehong residente ng Barangay Basiad.

 

Batay sa impormasyon, nag-iinuman si Balgos kasama sina Roland Bernal at Richard 

 

Dehomo nang biglang dumating ang suspek na si Villamarzo na lasing at may dalang itak.

 

Kinompronta umano ng suspek si Dehomo hinggil sa away sa lupa subalit nang sinubukang pakalmahin ni Balgos ang dalawa, siya naman ang napag-initan.

 

Dahil dito, hinabol na siya ng taga ng suspek hanggang sa makarating siya sa kanilang bahay na duguan ang mukha, may tama sa tenga at ulo.

 

Sa pagkakataong ito, tinulungan na ang biktima ng kanyang kapatid na si Richard.

 

Kinuha na ni Richard ang itak sa kanilang bahay at pinagtataga rin ang suspek dahil sa ilang banta nito at tangka pang pananaga.

 

Agad namang sumuko ang nakatatandang si Balgos sa mga otoridad.

 

Nadala naman sa ospital ang dalawa subalit inilipat sa isang ospital sa Lopez, Quezon dahil sa malalang sugat na tinamo ng mga ito.