MANILA, Philippines – Dalawang armadong lalaki na sinasabing mga tauhan ng prominenteng pulitiko ang napatay makaraang makipagbarilan sa mga pulis na nagbabantay sa checkpoint sa bahagi ng Manila-Dalahican Road sa Barangay 8, Cavite City, Cavite noong Huwebes ng gabi. Isa sa dalawang napatay ay na kilalang si Ruben Alejo kung saan magkaangkas sa motorsiklo (DP 1129) at tumangging huminto sa inilatag na Comelec check point. Hinabol naman ng ilang pulis ang dalawa kung saan nakipagpalitan ng putok ng baril na humantong sa kanilang kamatayan. Nasamsam sa mga suspek ang dala wang baril, granada at puting motorsiklo.