Injured	Killed
0	0

Date: 24 June 2013
Source: Bombo Radyo

KORONADAL CITY- Naarestar sang Cotabato City Police Station 1 ang mga suspek sa pagpangluthang sa biktima nga si Habib Bacol sadtong nagligad nga Huwebes sa SK Pendatun Avenue .corner Bonifacio Street, Cotabato City.

 

Ginkilala ang mga suspek nga sanday Alip Unto Kitab kag Bhong Unto Macasasa nga mga reisidente sang Kalanganan 2 sa Old Market Site, Poblacion 6, sa nasambit nga siyudad.

 

Suno kay Police S/Supt, Rolin Balquin sang Cotabato City PNP, naarestar ang mga suspek sa ginpatigayon nga operasyon sa nasambit nga lugar kun sa diin nakuha ang isa ka MK4 caliber 45 nga may yara sang pito ka live ammnunations kag isa ka armscore caliber 45 pistol nga may yara sang walo ka live ammunitions.

 

Magluwas diri, narekober amn ang isa ka motorsiklo nga gin-usar sa mga suspek sa pagpangluthang sa biktima.

 

Nahibaluan nga ginluthang ang biktima sa tubangan mismo sa tubangan sang puluy-an sini sa Bonifacio street sang nagligad nga adlaw.