| Injured | Killed |
|---|---|
| 0 | 2 |
Date: 02 August 2013
Source: Bombo Radyo
ILOILO CITY – Ginahibalo na sa subong sang mga pulis kun sin-o ang responsible sa pagpatay sa duha ka bangkay nga nasapwan kaina sang kaagahon sa Brgy. Switch, Tapaz, Capiz malapit sa boundary sa Poblacion, Bingawan, Iloilo.
Sa interview sang Bombo Radyo kay Punong Brgy. Lonylon Faldas sang Poblacion, Bingawan, Iloilo, ang mga nasapwan nga bangkay ang ginkilala nga sanday Genesis Celino y Gardose, 19-anyos, nagatrabaho kay Punong Brgy. Rena Fancubilla sang Brgy. Switch kag Renato Gargoles y Varoba, 24 anyos, isa ka mangunguma sa lugar.
Ang duha ang pareho nga ginbuno sa diin si Celino may pilas sa tuo nga dughan kag ulo kag wala nga dughan naman kay Gargoles.
Antes nasapwan nga patay kaina, nag inum-inom pa ang duha kagab-i.
Isa ka barangay tanod nga nakilala kay Bernie Sionomo y Delamor, 33 anyos sang Brgy. San Francisco, Tapaz ang nakakita sa bangkay sang duha sang ini ang manglawig kuntani sang iya karabaw kaina sang kaagahon.
Sa pagpati sang mga pulis, may nakaaway ang duha nga amu ang nagpangbuno sa mga ini.