Injured	Killed
0	0

Date: 15 April 2013
Source: Bombo Radyo

BUTUAN CITY – Nadakpan sa kapulisan sa Surigao City og Soccoro, Surigao del Norte ang duha ka gikatahapang mangilkilay sa gihimong entrapment operation sausa ka Videoke bar didto sa Navarro Street, Brgy. Taft, Surigao City.

Naila ang mga dinakpang sila Regie Elpidang Lariva, 31-anyos, minyo, usa ka security guard og si Joy Diano Paulino, 31-anyos, minyo, usa ka scrap buyer, parehong residente sa Brgy. Washington, Surigao City diin sila gisikop pasado alas-singko ning mi-aging hapon.

Gihimo ang operasyon human nga ang ilang biktimahunon, mitaho ngadto sa Soccoro police kalabot sa iyang nadawat nga extortion letter gikan sa mga suspek nga nangayo kaniya og 800-mil pesos.

Gibaharan pa siyang pasakitan ang iyang pamilya kung mapakyas kini paghatag sa ilang demand.

Human nasabutan ang oras, petsa og lugar diin ihatag ang kwartang gipangayo sa mga suspek, usa sa mga pulis ang nagpaka-aron ingnong mao ang gipangilkilang biktima nga misangpot gilayon sa pagkasikop sa mga suspek kinsa daling gidala sa Surigao City Police Station alang sa dokumentasyon.