Injured	Killed
0	0

Date: 31 May 2013
Source: Bombo Radyo

DAGUPAN CITY – Arestado so dwaran estudyante kayarin naaktuan na nanpaputok na paltog dya ed siyudad na Dagupan.

 

Akabatan so saray suspek ya si Zian Paulo Ebol, 20, fourth year college student ya residente na baley ya Bayambang tan Borton Bruce Benivides, 18, third year high school ya residente na Caranglaan siyudad na Dagupan.

 

Lapud say impormasyon arengel na sakey ya security guard ya akabatan na si Eduardo Garcia Jr. so panpapaputok na dwaran suspek ya tampol ya timawag na kapulisan.

 

Nala ed kustudiya so caliber 22 revolver ya walay apatiran live ammunition tan sakey ya basyo tonya.

 

Natan et akagetar lan unpasilong ed ballistic examination so paltog ya nala ed kustudiya na dwaran suspek ya natan et akakulong la.