Injured	Killed
0	0

Date: 31 July 2013
Source: Bombo Radyo

LEGAZPI CITY – Dagos nang nasangatan nin kaso an duwang mpleyado kan sarung dakolang mall makalihis na madakop sa akto na naghahabas nin grocery items sa saindang piglalaugan sa Sorsogon.

 

An mga suspek an binistong sinda Janwind Jeresano Adison, 24-anyos asin Marco Liao Gomez, 19-anyos asin residente kan Barangay Sampaloc, Sorsogon City.

 

Sa impormasyon na ipinaabot sa Bombo Radyo Legazpi, napag-araman na bandang alas-8:25 ninn banggi mantang magsasara na an Sanford Marketing (Savemore), kan madakop sa aktong naghahakot nin assorted grocery items an mga ini kan naglilibot na security na si Randy Pagunsan.

 

Dai man naginibo pang makapalag kan mga suspek na tulos na naidara sa hepatura kan pulisa.

 

Sa ngonyan an nahahampang an duwa sa kasong qualified theft na paramientras na nasa kustodiya kan Sorsogon City Police Station.