Injured	Killed
0	0

Date: 09 June 2013
Source: Bombo Radyo

NAGA CITY – Iniimbestigaran ngunyan kan mga otoridad an panibagong kaso na naman nin panghoholdap sa banwaan nin Calabanga partikularmente sa Sitio Parara, Barangay Cagsaw.

 

Ini makalihis na lwat na namang mabiktima an mga collector nin sarong lending company asin malalay an mga gamit, nakolektang kwarta asin maging an saindang service na motorsiklo.

 

Sa intribista kan Bombo Radyo Naga ki PO2 Mark España, binsito an mga biktima na sinda Edmund Calugit asin John Romar Tairus.

 

Basado sa sumbong kan mga ini, pasado alas-11 kasuodma, hale sinda nin Tinambac kan ulangon kan mga dai nabistong suspetsado sa lugar na bistado sa apod na “puting daga”.

 

Tinutukan suboot sinda kan duwang suspetsado nin sarong calibre 38 revolver. Sa paglaladawan kan mga ini, naka-itom suboot na t-shirt asin nakasulot nin itom man na bonnet an mga suspetsado.

 

Sapiritan na kinua sainda an darang cellphone, nakolektang kwarta na nagkakantidad P4,000 asin an saindang gamit na motorsiklo na pagsasadiri kan lending company.