Injured	Killed
2	0

Date: 11 July 2013
Source: Bombo Radyo

NAGA CITY – Magkasabay na kasong pagbalgar sa RA 7610 asin Direct Assault an kinakahampang kan duwang lalaki matapos na tilukon an sarong menor de edad asin suntukon an nagrespondeng pulis sa banwaan nin Perez sa Quezon Province. 

 

Binisto an duwang suspetsado na sinda Khacial Serdeña Medenilla, 23 anyos, parasira asin residente kan Barangay Bagong Silang sa nasambitan nang banwaan asin Noel Regodon Mendoza, 30 anyos kan Barangay Bagong Pagasa sa parehong lugar.

 

Sa nakuang imporasyon kan Bombo Radyo Naga, ipinaaram suboot sa Perez PNP an dapit sa duwang lalaking burat na nagriribok sa nasambitan nang lugar.

 

Tulos na nagresponde an mga otoridad asin naabutan na tinitilok kan saro sa mga suspetsado an 16 anyos na lalaking biktima na dai na pinangaranan pa.

 

Kan ipinaaram suboot kan saro sa mga nagrespondeng pulis na si PO2 Guian Carlo Del Moro na aarestaron an duwa,bigla na sana suboot itinulod asin sinuntok kan mga ini si PO2 Del Moro.

 

Sa ngunyan, nasa kustodiya na kan mga otoridad an duwang suspetsado mantang pigpepreparar an duwang kaso kontra sa sainda.