Injured	Killed
2	0

Date: 15 May 2013
Source: Bombo Radyo

CAGAYAN DE ORO CITY – Kritikal karon ang duha ka botante human mibusikad ang usa ka granada sa Barangay Dinama, Marawi City sa Lanao del Sur karong hapon lamang.

 

Subay sa taho ni Bombo Radyo volunteer reporter Albert Matutina nga nahitabo ang pagbusikad gawas sa usa ka presinto sa maong lugar.

 

Matud ni Matutina nga gilayong gidala ang mga biktima sa ospital sa Iligan City aron mahatagan sa tukmang medikasyon.

 

Dugang pa niini nga ang mga biktima gilangkuban sa babaye ug lalaki nga pulos residente sa maong dapit.

 

Migula usab ang report nga ang biktimang babaye ang anak sa usa sa mga kandidato pagka-mayor sa nahisgutang dapit.

 

Sa pagkakaron,padayon pang gisuta sa kapolisan ang mga suspek sa hitabo.

 

Hisayrang maoy nagbangga sa pagka-mayor sa Marawi City sila si reelectionsit Mayor Fahad Salic, Noryasmin Calandada,Acmad Maruhom ug Duma Sani.