Sa istorya kan dae na pinangaranan na biktima, sinaysay kaining nangyari an insidente kan Biyernes kan makiturog siya sa harong kan suspek na si Henry Baylon, 45-anyos na harani sa saindang pamilya. 

 

Minata na sana su boot siya kan saiyangpamangkin na sarong taon asin digdi naheling niyang mayo na siyang bado sa ibabang parte kan saiyang lawas. 

 

Kan maghapot siya sa saiyang pinsan asin barkada, digdi niya napag-araman na piglugusan na siya asin dae nakagirong an mga testigo huli ta tinutukan nin balisong kan suspek. 

 

Mayo su boot siyang pagkaaram sa nangyari asin dae niya maaraman kun tano dae siya nagimata. 

 

Tulos man na nagsumbong an biktima sa PNP Calauag asin isinairarom na sa medical examination. 

 

Sinangatan na nin kasong rape an suspek na yaon na ngonian sa kulungan.