Injured	Killed
0	1

Date: 05 March 2013
Source: Bombo Radyo

DAVAO CITY – Patay ang usa ka magtutungha nga si Alvin Verona Eddierosas, 17, estudyante sa Davao City National High School human nga gidunggab sa usa ka Grade 6 Pupil nga nala nga si alyas Efren , 14-anyos , estudyante sa Kapitan Tomas Monteverde Elementary School sa may Ponciano Bangoy, lungsod sa Davao , bandang alas-11:00 kaganiha sa buntag.

Nahitabo ang naasoy nga insidente sulod sa eskwelahan sa Kapitan Tomas Monteverde Elementary School kung diin gisundo sa biktima ang iyang igsuon.

Dihang makita sa suspek ang biktima kalit sumala pa niii gidunggan si Eddierosas sa dughan nga bahin.

Gisulayan pa nga dalhon sa ospital ang bktima apan dead on arrival na kini.

Sumala kang P/Supt. Elesio Malana, hepe sa San Pedro Police Station nga ang duha ka grupo dunay nagkadaiyang mga bersyon nga gisumbong sa mga kapulisan.

Sumala sa grupo sa suspek nga gitawag og “Chowking Gang” , dugay na nga adunay panagbangi ang duha ka grupo gumikan sa usa ka babaye.

Dihang nagkita ang duha kaganiha sa naasoy nga tunghaan gisulayan pa daw siya na dunggabon sa biktima apan nakalkay siya niini.

Hinungdan nga dihang nakapabor siya wala na kini magduha-duha nga dunggabon ang biktima gamit ang ice pick nga gihatag usab sa iyang kaubanan.

Gikabutyag nga “Lagopnak Gang” sab ang tawag sa grupo sa biktima.

Sa kasamtangan gikustudiya sa Women’s Children Protection Desk (WCPD) ang suspek samtang ang biktima nakahaya sa Angel Funeral Homes sa may Torres Street, dinhi sa syudad.