Injured	Killed
1	0

Date: 31 March 2013
Source: Bombo Radyo

GENERAL SANTOS CITY – Naghilak ang usa ka lalaki nga anaa sa selda samtang gipanghimakak nga gilugos ang usa ka 14-anyos nga iyang pasahero.

Giila ang suspek nga si Angelven Alba, 17-anyos nga residente sa Santo Niño, Barangay Apopong ning dakbayan.

Sumala kang PO2 Olsicino Padere sa Makar-PNP, padayon pang giimbestigahan ang reklamo sa biktima nga gilugos kini sa makadaghang higayon ug gikulong sa 
balay sa suspek ug tulo ka adlaw sugod kaniadtong adlawng Dominggo.

Gipanghimakak sa suspek ang maong akusasyon og gibutyag nga dili kaila ang biktima ug igo lang misakay kaniya sa dihang namasahero kini.

Apan giangkon niini nga iyang gipatulog sa ilang balay ang biktima human namugos kaniya.

Gikadugang sa nasampit nga nagtapad sila sa pagtulog apan wala matud pay nahitabo tali kanilang duruhaa.

Nahimo nga makaikyas sa biktima sa kamot sa suspek ug gilayon nga nagsumbong sa iyang inahan ug nagreport sa kapulisan nga nagresulta sa pagkasikop sa suspek.