Injured	Killed
0	1

Date: 15 April 2013
Source: Bombo Radyo

Tacloban City – Padayon an imbestigasyon han Palo PNP bahin ha pag-amok han usa nga lalaki hinungdan ha pagkamatay han 15 anyos nga babaye ha Sitio Lahaw Brgy. San Antonio han mao nga bungto.

Subay ha blotter han mga kapulisan, tigda sumulod ha panimalay nira Ariel Morillo an kapitbahay hini nga hi Jory Tamayo, 60, nga may dara nga sundang ngan nagwala ha sulod han balay.

Nasamaran naman hi Morillo han tigbason han suspect pero nakagawas ini han ira panimalay sugad man an asawa hini, pero nabayaan ha sakob an anak nga hi Arbielyn Morillo.

Nakita naman daw ni Tamayo an menor de edad kon diin guinpananawtaw ini tubtob nga mamatay.

Kahuman an insidente gumawas daw an suspect ha balay han biktima ngan guinlanat naman ini hin waray makilal- nga lalaki.

Dugang pa han mga otoridad, 100 metro an kahirayuon tikang ha panimalay han biktima, nakita guihapon an suspect nga waray na kinabuhi.

Ha pagkayana, diri pa matudlok han mga otoridad kon ano an motibo ha nasabi nga panmatay, pero hurohimangrawon daw ha mao nga lugar nga may deperensiya na ha panhuna-huna hi Tamayo.