Injured	Killed
1	0

Date: 02 March 2013
Source: http://www.remate.ph/2013/03/15-anyos-kritikal-sa-tarak-ng-selosong-17-anyos/

 

SELOS ang dahilan kaya sinaksak ng isang binatilyo ang kapwa binatilyo na bumati sa kanyang kasintahan sa Caloocan City, Biyernes ng gabi (Marso 1).

Nasa kritikal na kondisyon ngayon sa East Avenue Medical Center si Michael Jordan Castillo, 15 ng Phase 8-A, Bagong Silang ng lungsod, dahil sa tinamong saksak sa tiyan.

Nadakip naman si Segundo Adonis, 17, at kalugar ng biktima.

Batay sa ulat, dakong alas-10 ng gabi, kasabay na naglalakad ng suspek ang nobyang hindi na nakuha ang pangalan sa nasabing lugar nang makasalubong ang biktima.

Binati ng biktima ang bebot na ikinagalit ng suspek at pagliko sa eskinita ay nagbitaw ng salita si Adonis na kung sino ang palaban ay sumunod.

Hindi pinansin ng biktima ang paghahamon ng suspek subalit makalipas ang ilang sandali ay biglang lumitaw si Adonis sa harap ni Castillo at walang salitang inundayan ng saksak ang biktima.

Matapos ang insidente ay dinala ang biktima sa EAMC habang nadakip ng mga barangay tanod ang suspek.

Samantala, inoobserbahan din sa East Avenue Medical Center ang isang binata makarang pagnakawan at pagsasaksakin ng dalawang lalaki sa Caloocan City, Biyernes ng gabi.

Kinilala ang biktima si Conrado Benido, 28 ng Phase 10-B, Bagong Silang ng lungsod, na nagtamo ng mga saksak sa katawan.

Pinaghahanap naman ng mga pulis ang mga suspek na nakilala lang sa mga alyas na Toti at Christian.

Base sa ulat, dakong alas-7:00 ng gabi, naglalakad ang biktima sa Main Road ng Phase 10-B ng lapitan at pagsasaksakin ng mga suspek.

Bago tumakas ay kinuha ng mga suspek ang wallet na naglalaman ng hindi pa batid na halaga ng pera at cellphone ng biktima.

Dinala naman si Benido ng mga nakasaksi sa nasabing pagamutan.